Yeghishe.am - Pan Armenian Network of Journalists arshile gorky-Alexander Harutyunyan

   Նշանավոր հայ կոմպոզիտոր, դաշնակահար, Երեւանի պետական կոնսերվատորիայի պրոֆեսոր, ԽՍՀՄ եւ ՀԽՍՀ ժողովրդական արտիստ եւ պետական մրցանակների դափնեկիր Ալեքսանդր Գրիգորի Հարությունյանը ծնվել է 1920թ սեպտեմբերի 23-ին` Երեւանում:
Երկրորդ Աշխարհամարտի տարիներին սովորել է Երեւանի պետական Կոնսերվատորիայում: Պատերազմի ավարտից հետո տեղափոխվել է Մոսկվա, ուր 1946-48թթ սովորել է տեղի Հայկական մշակույթի տան ստուդիայում` Հենրիխ Լիտինսկու խմբում: Ավարտելուց հետո վերադարձել է Հայրենիք եւ դասախոսել Երեւան կոնսերվատորիայում: 1977թ Կոնսերվատորիայի դասական բաժնի պրոֆեսոր էր:

   1954-90թթ Հայկական ֆիլհարմոնիկ նվագախմբի գեղարվեստական ղեկավարն էր: Փողային գործիքների համար նրա գրած գործերը իրենց տեղն են զբաղեցրել միջազգային երաժշտության ոսկե գանձարանում:
   1988թ գրել է ”Հայաստան-88” ջութակի կոնցերտը:
   1960-ականներին նրա ստեղծագործական ոճն ավելի շատ ուղղված էր դեպի դասականը: Շեփորի համար 1950թ գրված Հարությունյանի 6-րդ կոնցերտն ամենախոշոր ստեղծագործությունն էր իր երաժշտական կարիերայում: Կոնցերտը Միացյալ Նահանգներում հնչեց հայտնի շեփորահար Տիմոֆեյ Դոկշիցերի ներկայացմամբ եւ մեծ հաջողություն գրանցեց:
Հարությունյանը երաժշտություն է ստեղծել նաեւ բազմաթիվ ֆիլմերի համար. ”Նահապետ” 1977թ, ”Արեւածագից մեկ ժամ առաջ” (1973թ), ”Սիրտն է երգում” (1957թ), ”Ուրվականներ են հառնում լեռներից” (1955թ) եւ այլն: Որպես դերասան, հանդես է եկել ”Լալվարի որսկանը” (1967թ) ժապավենում:

Search in News

Member Area