- Home
- |
- Mp3
- |
- Gallery
- |
- News And Topics
- |
- Famous Armenians
- |
- Contacts
- |
- Journalists
.gif)
Armen Haghnazarian
Հայ տաղանդավոր ճարտարապետ, ճարտարապետության դոկտոր պրոֆեսոր (1973թ) Արմեն Հովհաննեսի Հախնազարյանը ծնվել է 1941թ Իրանի մայրաքաղաք Թեհրանում:
Ուսում ստացել է Գերմանիայի Աախեն քաղաքի Հռենոս-Վեստֆալիայի բարձրագույն տեխնիկական դպրոցի ճարտարապետության եւ քաղաքային ճարտարագիտության ֆակուլտետի ճարտարապետության (1968թ) եւ քաղաքաշինության (1973թ) բաժիններում:
1969թ-ից մի խումբ գերմանացի ճարտարապետերի հետ գիտահետազոտական արշավներ է կազմակերպել Արեւմտյան Հայաստան, հավաքել ավելի քան 85 000 նկարներ:
1972թ Աախենում հայ ճարտարապետը հիմնել է հայկական ճարտարապետության արխվ, ինչպես նաեւ հայկական ճարտարապետությունն ուսումնասիրող կենտրոն:
1998թ կենտրոնը տեղափոխվել է Երեւան:
1974թ Թեհրանում հիմնել եւ ղեկավարել է “Մոնիտ” ճարտարապետական միությունը: 1980-ականներից ձեռնամուխ է եղել Սբ. Թադեի վանքի եւ Սբ. Ստեփանոս Նախավկա եկեղեցիների վերականգնման աշխատանքներին:
Ծործորի ջրամբարի կառուցման պատճառով քանդել է տվել Ծործորի վանքի Սբ. Աստվածածին եկեղեցին (1298-1314թթ) եւ հետագայում վերականգնել առավել բարձրադիր վայրում:
1985թ-ից դասախոսում է Աախենի համալսարանի քաղաքաշինության ֆակուլտետում: 1994թ կազմել է Երեւանի “Անի” հյուրանոցի վերակառուցման նախագիծը, վերանորոգել է 7 եկեղեցի եւ վանք:
Հեղինակն է “Հայ ճարտարապետության վավերագրեր”, “Սբ. Թադեի վանքը” (Միլան 1971թ) եւ “Նոր Ջուղա” (1992թ) գրքերի: Մասնակցել է 7 հատորանի ճարտարապետության միկրոֆիլներ հրատարակչությանը (1984-89թթ, Նյու-Յորք միկրոժապավենների արխիվ):