- Home
- |
- Mp3
- |
- Gallery
- |
- News And Topics
- |
- Famous Armenians
- |
- Contacts
- |
- Journalists
.gif)
Chuck Poochigian
Ամերիկահայ քաղաքական գործիչ, Կալիֆոռնիան ներկայացնող ԱՄՆ նախկին սենատոր Չարլզ Փուչիկյանը (ավելի հայտնի է Չակ կեղծանունով) ծնվել է 1949թ մայիսի 31-ին` Կալիֆոռնիայի Ֆրեզնո քաղաքում:
Ուսանել է Կալիֆոռնիայի համալսարանի բիզնես կառավարման բաժնում: 1972թ ավարտելով ուսումը` ստացել է բակալվրի աստիճան, իսկ 1975թ Սանտա Կառլա համալսարանում պաշտպանելով թեկնածուական թեզը` իրավագիտության դոկտորի կոչում է ստացել:
1975-88թթ զբաղվել է քաղաքացիական եւ բիզնես իրավունքով:
1977թ ամուսնացել է ամերիկուհի Դեբբի հետ եւ 3 զավակների հայր է:
Փուչիկյանը քաղաքական գործունեություն սկսել է ծավալել 1978թ-ից, երբ Կալիֆոռնիայի նահանգապետն էր հայազգի սենատոր Ջորջ Դեքմեջյանը: 1984թ ԱՄՆ նախագահական ընտրությունների քարողարշավի ժամանակ Փուչիկյանն օկրուգի ղեկավար էր:
1985-87թթ նահանգապետ Դեկմեջյանի "Աշխատանքային իրավունքի եւ բրոկերության հետ կապված հարցերով" օգնականն էր:
1988թ-ից նահանգապետի աշխատակազմի բարձրաստիճան պաշտոնյաներից էր:
1994թ Փուչիկյանն առաջին անգամ ընտրվել է Կալիֆոռնիայի նահանգային համագումարի անդամ եւ նույն պաշտոնին երկրորդ ժամկետով վերընտրվել 1996թ:
Պաշտոնավարման առաջին ժամկետում նա "Ֆինանսական հանձնաժողովի" (Appropriations Committee) ղեկավարն էր (1995-97թթ), ինչպես նաեւ "բյուջետային հարցերով հանձնախմբ"-ի անդամը (1995-96թթ):
1995թ հեղինակել է "Զենքի եւ ահաբեկչության դադարեցման" մասին նախագիծը:
Նահանգային համագումարում աշխատել է նաեւ հետեւյալ հանձնաժողովներում`"Տրանսպորտի", "Բնական ռեսուրսների", "Ջուր, զբոսայգիներ եւ կենդանի բնություն":
1998թ որեւէ դիմադրության չհանդիպելով Կալիֆոռնիայի նահանգային Սենատի ընտրություններին իր թեկնածությունն առաջադրելով` ընտրվեց եւ պաշտոնավարել է 2 ժամկետ:
Կալիֆոռնիայի օրենսդիր մարմնում նա զբաղեցրել է բազմաթիվ ղեկավար պաշտոններ: Իր փայլուն աշխատանքային գործունեության համար Փուչիկյանը պարգեւատրվել է բազմաթիվ մրցանակներով:
Սենատում աշխատել է "Գյուղատնտեսության", "Ֆինանսական", "Առաջնային նահանգների վրա տարածվող հարկաբաժինը որոշող եւ սահմանադարական բարեփոխումներ"-ի հանձնաժողովներում, ինչպես նաեւ եղել է "Հասարակական անվտանգության պահպանման" հանձնաժողովի փոխնախագահը: