Yeghishe.am - Pan Armenian Network of Journalists arshile gorky-Evgeni Petrosyan

   Ռուսաստանաբնակ հայազգի էստրադային արտիստ, Ռուսաստանի ժողովրդական արտիստ (1991թ), գրող եւ երգիծաբան Եվգենի Վահանի Պետրոսյանը ծնվել է 1945թ սեպտեմբերի 16-ին Բաքվում: 1961թ ավարտելով միջնակարգ դպրոցը` տեղափոխվել է Մոսկվա:
   Միակ երազանքն էր դառնալ դերասան: Սովորել է "էստրադային արվեստի համառուսական ստեղծագործական կենտրոնում": Պրոֆեսիոնալ բեմերում սկսել է խաղալ 1962թ-ից:
   1960թ ընդունվել է ազգային դրամատիկական թատրոն` Վալենտին Վալենտինովայի խումբը:
   1970թ ԽՍՀՄ էստրադային արտիստների 4-րդ մրցույթի հաղթող է ճանաչվել:
1985թ արժանացել է ԽՍՀՄ վաստակավոր արտիստի, 1991թ` ԽՍՀՄ ժողովրդական արտիստի կոչման:
   Բազմաթիվ ներկայացումներ է բեմադրել Մոսկվայի էստրադային թատրոնում` "Բարի խոսքը կատվին էլ է հաճելի" 1980թ, "Ինչպես եք" 1986թ, "Մենք բոլորս հիմարներ ենք" 1991թ, "Բենեֆիս", "30 տարի բեմում", "Երբ գումարները երգում են ռոմանսներ" եւ շատ այլ գործեր:
   1999թ կայացել է "Ընտանեկան ուրախություններ" նոր ներկայացման պրեմիերան, որը մինչեւ օրս բեմադրվում է Էստրադային թատրոնի բեմում:
   1979թ Պետրոսյանը հիմնել է "Մանրապատումներ"-ի թատրոնը, որին կից գործում է "էստրադային հումորի կենտրոն": Այնտեղ հավաքվել են 19-20 դարերի էստրադայի պատմության բացառիկ իրեր` թերթեր, ամսագրեր, լուսանկարներ, վահանակներ եւ շատ այլ իրեր:
   1960-ականներից Ե. Պետրոսյանը մուտք է գործել նաեւ հեռուստատեսություն:
   1964թ վարել է "Կապույտ կրակներ" հաղորդումը, իսկ ավելի ուշ ռուսական "Օստանկինոյի" համերգների դահլիճում` "Հումորի երեկոներ" հաղորդաշարը, 1973-76թթ` "Արտլոտո" հաղորդումը, 1975-85թթ` "Առավոտյան փոստ"-ը, 1987-2000թթ "Անշլագ" եւ շատ այլ հաղորդումներ:
   Բացի վարելուց, նա նաեւ բազմաթիվ հաղորդումների սցենարներ է գրել հեռուստատեսության համար` "Տարբեր տեսանկյուններից" 1985թ, "Հրավեր Պետրոսյանի երեկոյին" 1988թ, "Պետրոսյանի օպերացիա" 1991թ, "Եվգենի Պետրոսյանը հրավիրում է" 1999-2000թթ, "Ով է այդ Պետրոսյանը" 2000թ:
    Որպես սցենարի հեղինակ եւ վարող, Պատրոսյանը թողարկել է Ելենա Ստեպանենկոյի "Առաջ կանայք" 2001թ եւ "Միացեք, ծիծաղում ենք" 2001թ հաղորդումները:
   1994թ-ից Ռուսական առաջին ալիքով եթեր է հեռարձակվում Պետրոսյանի "Սմեխապանարամա" հաղորդումը, որում ներկայնում են խոսակցական ժանրի տարբեր սերունդների վարպետներ:
   2000-2005թթ հեղինակել է "Կատակ կատակի ետեւից" հաղորդումը:
    Նա նաեւ բազմաթիվ գրքերի հեղինակ է. "Ցանկանում են արտիստ դառնալ" 1994թ, "Եվգենի Պետրոսյանը անեկդոտների աշխարհում" 1994թ, "Մեծ խճանկար" 2000թ, "Ինչի վրա է ծիծաղում Պետրոսյանը" 2000թ եւ այլն:
   Հայազգի երգիծաբանն առաջին անգամ ամուսնացել է 1960թ եւ շուտով հայր է դարձել: Շատ չանցած բաժանվել է կնոջից եւ ամուսնացել 2-րդ անգամ: Այդ միությունը նույնպես երկար կյանք չի ունեցել: 1986թ ամուսնացել է իր իսկ թատրոնի դերասնաուհի Ելենա Ստեպանենկոյի հետ:

Search in News

Member Area