Yeghishe.am - Pan Armenian Network of Journalists arshile gorky-Jackie Speier

   Ամերիկահայ քաղաքական գործիչ, Կալիֆոռնիան ներկայացնող դեմոկրատ կոնգրեսական, Կալիֆոռնիայի Նահանգային Սենատի նախկին անդամ (ներկայացնում էր Սան-Ֆրանցիսկոն եւ Սան-Մատեոն) Կարեն Լորեն Ժակի Սփեյեր (հայտնի է Ժակի Սփեյեր անվամբ) ծնվել է 1950թ մայիսի 14-ին Սան-Ֆրանցիսկոյում:
   Տարրական կրթությունն ստացել է ծննդավայրի դպրոցներից մեկում, ապա շարունակել է Բուռլինգեյմի Մերսի բարձրագույն դպրոցում:
   Ավարտելով այն ուսանել է Կալիֆոռնիայի Դեւիս համալսարանի իրավաբանական ֆակուլտետում: Կալիֆոռնիայի համալսարանի Հասթինգ իրավաբանական քոլեջում պաշտպանելով գիտական թեզը` ստացել է իրավաբանական գիտությունների դոկտորի աստիճան:
Սփեյերի առաջին ամուսինը 1994թ մահացել է ավտովթարից: Նրանք մեկ որդի ունեին, իսկ 2-ին սպասում էին: 2001թ 2-րդ անգամ ամուսնացել է ներդրումների հարցերով խորհրդատու Բերի Դեննիսի հետ:
   Քաղաքական կարիերան Սփեյերն սկսել է կոնգրեսական Լեո Ռյանի գրասենյակից: Վերջինիս մահից հետո առաջադրվել է նրա պաշտոնում եւ հաղթելով ընտրություններում` քաղաքային կառավարման խորհրդում զբաղեցրել Ռյանի աթոռը:
   Սփեյերն առաջի անգամ ընտրություններում հաղթանակ է տարել 1980թ եւ դարձել Սան Մատեո քաղաքային խորհրդի պատմության մեջ ամենաերիտասարդ ներկայացուցիչը: Նույն պաշտոնում վերընտրվել է 1984թ:
   Պաշտոնավարման 2-րդ ժամկետում իր թեկնածությունն է առաջադրել Կալիֆոռնիայի Նահանգային Սենատում եւ հաղթանակ տանելով պաշտոնավարել է` վերընտրվելով 5 անգամ:
2008թ հունվարի 17-ին ԱՄՆ Կոնգրեսի Ներկայացուցիչների պալատի ղեկավար Թոմ Լանտոսը վատառողջության պատճառով իր փոխարեն առաջադրել է Սփեյերի թեկնածությունը եւ փաստաթղթի տակ առաջին ստորագրողներից են եղել հայազգի կոնգրեսական Էն Էշուն,Մայք Թոմսոնը եւ Սան-Ֆրանցիսկոյի քաղաքապետ Գեւին Նյուսոմը: Լանտոսն իր մահկանացուն կնքել է 2008թ փետրվարի 11-ին եւ ապրիլի 8-ին կայացած ընտրություններում Սփեյերը հաղթանակ է տարել:
   Կոնգրեսում Սփեյերն աշխատել է հետեւյալ հանձնախմբերում.
Ֆինանսական, վերահսկողություն եւ կառավարական բարեփոխումներ, էներգետիկ անկախության եւ գլոբալ տաքացում:
   Կալիֆոռնիայի սենատում Սփեյերն առաջադրել է 300-ից ավելի օրինագծեր, որոնք օրենքի ուժ են ստացել:
   Ներկայումս բնակվում եւ քաղաքականությամբ է զբաղվում Կալիֆոռնիայում:

Search in News

Member Area