

.gif)
Ականավոր կինոռեժիսոր, պրոդյուսեր եւ սցենարիստ Կարեն Շախնազարովը ծնվել է 1952թ հուլիսի 8-ին` Կրասնոդարում: Հայրը` Գրիգոր Շախնազարովը քաղաքական գործիչ էր:
Կարեն Շախնազարովը 1975թ ավարտել է Կինոյի ինստիտուտը: Դեբյուտը կինոաշխարհում եղել է ”Բարեսիրտ մարդ” ֆիլմը: 1980թ նրա ասցենարի հիման վրա նկարահանվել է “Կանայք հրավիրում են տղամարդկանց” հայտնի կոմեդիան:
Ռեժիսորին եւ սցենարիստին հռչակ է բերել 1983թ նկարահանված “Մենք ջազից ենք” ժապավենը: Վերջինս Շահնազարովին մի շարք միջազգային մրցանակներ բերեց եւ տարվա ֆիլմ հռչակվեց:
1987թ նկարահանված “Կուրյեր” ֆիլմը նույնպես մեծ հաջողություն գրանցեց կինոփառատոններում: Շախնազարովի կինոցանկը լրացնում են “Ամերիկացի աղջիկը”, ”Լիալուսին”, “Ձմեռային երեկո Գագրայում”, “Երազներ”, “Անհետացող կայսրություն”, "Արքային սպանողը" ֆիլմերը:
Վարել է ռուսական հեռուստատեսությամբ հեռարձակվող “20-րդ դարը կադրում եւ կադրից դուրս” հաղորդումը: 1998թ-ից ղեկավարում է “Մոսֆիլմ” կինոստուդիան: Ռեժիսորը 2005թ-ից Ռուսաստանի համայնքների պալատի անդամ է:
Կարեն Շախնազարովն ամուսնացել է եւ 3 զավակների հայր է: