Yeghishe.am - Pan Armenian Network of Journalists arshile gorky-Marios Garoian

   Հայազգի քաղաքական գործիչ, քաղաքական գիտությունների դոկտոր, Կիպրոսի խորհրդարանի ղեկավար Մարիոս Գարոյանը ծնվել է Նիկոսիայում 1961թ մայիսի 31-ին, հայի ընտանիքում:
   Ուսում ստացել է ծննդավայրի Տերա-Սանտա քոլեջում: Կրթությունը շարունակել է Իտալիայի Պերուջա քաղաքի համալսարանի քաղաքագիտության ֆակուլտետում:
   Քաղաքական գործունեություն սկսել է ծավալել 1981թ-ին Իտալիայում ` ստանձնելով Ռենեսանս ուսանողական շարժման ղեկավարումը: 1983թ ընտրվել է Կիպրոսի ուսանողական ֆեդերացիայի եւ երիտասարդ գիտնականների տնօրենների խորհրդի անդամ:
Եղել է նաեւ Նիկոսիայի երիտասարդության հարցերով զվաղվող խորհրդի նախագահն ու Դեմոկրատական կուսակցության քարտուղարը: 1988թ-ից դեմոկրատական կուսակցության կենտրոնական կոմիտեի անդամ էր:
   1986-92թթ ղեկավարել է դեմոկրատական կուսակցության երիտասարդական թեւը:
1991-2001թ զբաղեցրել է Կիպրոսի ներկայացուցիչների պալատի փոխղեկավարի պաշտոնը:
   2003-2006թթ Կիպրոսի կառավարության փոխխոսնակն էր: Մինչեւ 2006թ ղեկավարել է Կիպրոսի նախկին նախագահ Պապադոպուլոսի մամլո դիրվանի տնօրենի պաշտոնում:
   2006թ մայիսին ընտրվել է խորհրդարանի անդամ, իսկ 2007թ-ին` դեմոկրատական կուսակցության նախագահ:
   Մարիոս Գարոյանը նաեւ Կիպրոսի խորհրդարանի արտաքին գործերով զբաղվող խորհրդի, շրջակա միջավայրի պաշտպանության հանձնաժողովի, Եվրո- Միջերկրածովյան խորհրդարանական ասամբլեայի անդամ է եղել:
   2008թ մարտի 6-ին Կիպրոսի խորհրդարանականների ճնշող մեծամասնության քվեներով Մարիոս Գարոյանն ընտրվել է խորհրդարանի նախագահ:
   Հայազգի քաղաքական գործիչը բազմաթիվ հոդվածներ է հրապարակել կիպրոսյան հիմնախնդրի թեմայով:
   Պարգեւատրվել է Հունաստանի հանրապետության բարձրաստիճան պատվո շքանշանով:
Միջազգային հարաբերությունների ոլորտում հիանալի փորցագետ է եւ փայլուն տիրապետում է հունարենին, անգլերենին, իտալերենին եւ իսպաներենին:
   Ամուսնացած է եւ 2 զավակ ունի:

Search in News

Member Area