- Home
- |
- Mp3
- |
- Gallery
- |
- News And Topics
- |
- Famous Armenians
- |
- Contacts
- |
- Journalists
.gif)
Roger Tatarian
Ամերիկահայ հայտնի լրագրող, վերլուծաբան, ամերիկյան United Press International լրատվական գործակալության փոխնախագահ եւ գլխավոր խմբագիր Ռոջեր Թաթարյանը ծնվել է 1917թ Բիթլիսում:
Թաթարյանների ընտանիքը Միացյալ Նահանգներ է տեղափոխվել, երբ Ռոջերը փոքր երեխա էր:
Մեծացել է Ֆրեզնոյում` ամերիկահայ համայնքի կողքին: Միջնակարգ դպրոցում ուսանելու տարիներին տղան անգլերեն լեզվի ուսուցիչի խնդրանքով սկսել է դպրոցի Longfellow Poet թրեթի համար նյութեր գրել:
Դպրոցական տարիներից էլ սկսվել է Թաթարյանի լրագրողական կարիերան:
Խոստումնալից ապագայով լրագրողն ուսումը շարունակել է Ֆրեզնոյի քոլեջում եւ ավարտելով այն 1938թ` ստացել է քաղաքական գիտությունների բակալավրի աստիճան:
Աշխատանքի անցնելով ամերիկյան խոշորագույն լրատվական գործակալություններից մեկում` United Press International-ում, Թաթարյանը լուսաբանել է Երկրորդ Աշխարհամարտը:
1940թ Թաթարյանն ամուսնացել է Յունիս անունով մի ամերիկուհու հետ: Զույգը մի զավակ է ունեցել` Ալանը:
34 տարեկանում որպես UPI-ի լավագույն թղթակից նշանակվել է եվրոպական, մերձավոր արեւելյան, աֆրիկյան եւ ասիական երկրների լուրերով զբաղվող բաժին ղեկավար, ապա զբաղեցրել գործակալության Լոնդոնի եւ Հռոմի մասնաճյուղերի ղեկվարի պաշտոնը` զուգահեռ ղեկավարելով Վաշինգտոնի բաժնի լրատվական խմբագրի պաշտոնը:
Որոշ ժամանակ անց Թաթարյանը դարձել է այն ժամանակվա Associated Press խոշորագույն լրատվական գործակալության մրցակից հիմնարկի` UPI-ի գլխավոր խմբագիրը:
1960թ, 1961թ եւ 1985թ Թաթարյանը Պուլիցերյան մրցանակի ժյուրիի անդամ է եղել:
Արժանացել է բազմաթիվ մրցացակների է. Elijah Parrish Lovejoy, Օհայո համալսարանի հատուկ մրցանակի, 1980թ Colby քոլեջի կողմից իրավագիտության պատվավոր դոկտորի կոչման:
UPI-ից հեռանալուց հետո Թաթարյանը վերադարձել է Ֆրեզնո եւ սկսել դասավանդել Կալիֆոռնիայի նահանգային համալսարանի լրագրության ֆակուլտետում:
Որպես խորհրդատու աշխատել է մի շարք թերթերում, այդ թվում Ֆրեզնոյում լույս տեսնող Fresno Bee-ում:
Թաթարյանը նաեւ որպես խորհրդական աշխատել է բազմաթիվ տեղական եւ կառավարական մարմիններում:
Հեղինակն է Սգո օր /Day of Mourning/ եւ Ամոթի օր /Day of Shame/ էսեների:
Մահացել է 1995թ Ֆրեզնոյում: