- Главная
- |
- Mp3
- |
- Галерея
- |
- Новости и публикации
- |
- Знаменитые Армяне
- |
- Контакты
- |
- Журналисты
.gif)
Левон Шант
Հայ դրամատուրգ, գրող, մանկավարժ, հասարակական գործիչ եւ “Համազգային” մշակութային հիմնադրամի հիմնադիր Լեւոն Սեղբոսյանը (հայտնի է Լեւոն Շանթ գրական անունով) ծնվել է 1869թ ապրիլի 6-ին` Պոլսում:
Դեռ վաղ հասակում կորցրել է ծնողներին: Կրթությունը ստացել է Պոլսի Սկյուտարի ճեմարանում: 1884-91թթ սովորել է Էջմիածնի Գեւորգյան ճեմարանում: 1892-99թթ մանկավարժություն եւ հոգեբանություն է ուսանել Լայպցիգի, Ենայի եւ Մյունխենի համալսարաններում:
1899թ-ից դասավանդել է Թիֆլիսի Գայանյան եւ Երեւանի թեմական դպրոցներում: Թիֆլիսում ժամանակի գրողների` Թումանյանի, Աղայանի, Իսահակյանի, Դեմիրճյանի հետ հաճախել է “Վերնատուն” գրական խմբակը: Թումանյանի եւ Լիսիցյանի հետ հրատարակել է “Լուսաբեր” հայերեն լեզվի դասագիրքը: 1911թ մեկնել է Պոլիս եւ դասավանդել Եսայան վարժարանում: 1915-19թթ ապրել է Եվրոպայում, ապա վերադարձել Հայրենիք:
Երկար ու բեղմանվոր է Շանթի գրական ստեղծագործական կյանքը: 1890թ-ից հրատարակվել են նրա բանաստեղծությունների շարքն ու “Լեռան աղջիկը” պոեմը, ապա “Երազ օրեր”, “Դարձը”, “Վերժին” եւ ալյ վիպակներ:
Հայ գրականության պատմության մեջ մեծ է Շանթի թողած ավանդը հատկապես դրամատուրգիայի ասպարեզում: Հայտնի են “Եսի մարդը”, “Ուրիշի համար”, “Հին Աստվածներ”, “Կայսրը”, “Շղթայվածը”, ‘Օշին պայլը” դրամաները:
Շանթը հեղինակ է նաեւ հայ գրականության եւ քերականության մի շարք դասագրքերի, բանահյուսական, մանկավարժական, պատմագիտական աշխատությունների:
Մահացել է 1951թ նոյեմբերի 29-ին` Բեյրութում: