- Главная
- |
- Mp3
- |
- Галерея
- |
- Новости и публикации
- |
- Знаменитые Армяне
- |
- Контакты
- |
- Журналисты
.gif)
Вартан Малакян
Ամերիկահայ արվեստագետ քանդակագործ, հայտնի System of a Down ռոք խմբի գիթարահար եւ ոչ պակաս հայտնի Scars on Broadway խմբի մեներգիչ Դարոն Մալաքյանի հայրը` Վարդան Մալաքյանը ծնվել է 1947թ փետրվարի 14-ին` Իրաքում:
Արվեստի նկատմամբ մեծ սերը Մալաքյանը դրսեւորել է դեռ մանուկ հասակում:
18 տարեկանում բացել է արվեստի գործերի առաջին ցուցահանդեսը:
Քանդակագործությունից եւ նկարչությունից բացի զբաղվել է նաեւ պարարվեստով:
1968թ Մալաքյանն արդեն Իրաքի լավագույն պարուսույցն էր:
Տարիներ շարունակ կազմակերպել է Broadway խոշորագույն շոուները:
1972թ աշխատելով արվեստի ինստիտուտի ակադեմիայում / Academy of Arts Institute/ , հանդիպել է իր կյանքի սիրուն, հայուհի Զեփյուռին, ով նույնպես շատ տաղանդավոր քանդակագործ էր:
1974թ զույգն ամուսնացել է Լիբանանում եւ տեղափոխվել ԱՄՆ` հաստատվելով Կալիֆոռնիայում: Այնտեղ էլ ծնվել է նրանց որդին` Դարոնը:
Վարդան Մալաքյանը ԱՄՆ-ում շարունակել է պարուսույցի եւ քանդակագործ-նկարչի կարիերան:
1981թ-ից պարի դասեր է տվել Գլենդեյլ քոլեջում, որտեղ էլ հայկական պարի խումբ է հիմնել:
1993թ բացել է Arka Gallery խորագրով հնադարյան արվեստի գործերի ցուցահանդեսը, որի ժամանակ վաճառել է 100 ավելի աշխատանքներ:
2001թ Los Angeles Times ամերիկյան հայտնի պարբերականը Վարդան Մալաքյանի ցուցահանդեսը քաղաքի պատմության մեջ եզակի իրադարձություն է համարել:
Վ. Մալաքյանը արվեստի ինքնատիպ նմուշներ է ստացել յուղաներկով, ջրաներկով ինչպես նաեւ խճապակուց:
Արվեստի զարգացման եւ տարածման ուղղությամբ վերջերս մի նախագիծ կյանքի կոչեց Մալաքյանը` System of a Down խմբի ամենաշատ պահանջարկ վայելող ձայնասկավառակների շապիկները զարդարելով իր նկարներով: